ԵՐԵՎԱՆ, 20 դեկտեմբերի – Sputnik. 2023 թվականի ԱՄՆ բյուջեի նախագիծով նախատեսվում է շուրջ 12 մլրդ դոլար հատկացնել Ուկրաինային հատուկ նպատակով։ Այս մասին, ՌԻԱ Նովոստիի փոխանցմամբ, ասվում է հրապարակված փաստաթղթում։
«ԱՄՆ պաշարների համալրում. 11,88 մլրդ դոլար` Ուկրաինային փոխանցված ամերիկյան սարքավորումների պաշարների համալրման համար», – ասվում է ԱՄՆ ներկայացուցիչների պալատի հատկացումների գծով կոմիտեի կայքում։
Ռուսաստանն ավելի վաղ ՆԱՏՕ-ի երկրներին բողոքի նոտա էր հղել Ուկրաինային ռազմամթերք մատակարարելու համար։ ՌԴ ԱԳ նախարար Սերգեյ Լավրովը նշել էր, որ ցանկացած բեռ, որն Ուկրաինայի համար ռազմամթերք կպարունակի, Ռուսաստանի համար օրինական թիրախ կդառնա։ ՌԴ արտաքին քաղաքական գերատեսչությունում հայտարարել էին, որ ՆԱՏՕ-ի երկրները, Ուկրաինային ռազմամթերք մատակարարելով, կրակի հետ են խաղում։
ՌԴ նախագահի մամուլի խոսնակ Դմիտրի Պեսկովն ընդգծել էր, որ Արևմուտքի կողմից Ուկրաինային զենք տրամադրելը չի նպաստում ռուս-ուկրաինական բանակցությունների հաջողությանը և բացասական ազդեցություն է թողնում։