ԵՐԵՎԱՆ, 15 դեկտեմբերի – Sputnik. Երևանում ավտովթարի է ենթարկվել դերասան Խորեն Լևոնյանը, հայտնում է shamshyan.com-ը։
Դեկտեմբերի 13-ին ժամը 18։40-ի սահմաններում Ագաթանգեղոսի փողոցում բախվել են Խորեն Լևոնյանի վարած Suzuki մակնիշի և Ա․Տ -ի վարած Tesla մակնիշի ավտոմեքենաները։
Վթարի հետևանքով Լևոնյանը մարմնական վնասվածքներով տեղափոխվել է Հերացու անվան թիվ 1 համալսարանական հիվանդանոց։
Վթարի փաստով Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է վարույթ։
Կայքի տեղեկություններով`վարորդները ենթարկվել են սթափության փորձաքննության. Tesla-ի վարորդը եղել է ոչ սթափ (խմած), իսկ Suzuki-ի վարորդ Խորեն Լևոնյանը եղել է սթափ։
Նշենք, որ քիչ առաջ Լևոնյանը «Ֆեյսբուքի» սթորի բաժնում մեկնաբանել է վթարը` գրելով, որ ամեն բան կարգին է։
«Վթար էր, անցավ գնաց։ Շնորհակալ եմ ցուցաբերած անհանգստության համար։ Ես լավ եմ, ամեն բան նորմալ եմ»,–գրել է նա։