ԵՐԵՎԱՆ, 13 դեկտեմբերի – Sputnik. Այսօրվանից մեկնարկել են «Wizz Air» ավիաընկերության Միլան–Երևան–Միլան երթուղով չվերթերը։ Տեղեկությունը հայտնում է «Արմենիա միջազգային օդանավակայաններ» ընկերությունը։
«Չվերթերը կիրականացվեն շաբաթական երկու անգամ` յուրաքանչյուր երեքշաբթի և կիրակի»,– ասված է հաղորդագրությունում:
Ավիատոմսերի առկայության, ձեռքբերման և այլ մանրամասների համար կարելի է այցելել wizzair.com կայք կամ կապ հաստատել տեղական տուրիստական գործակալությունների հետ:
Հիշեցնենք, որ հունգարական բյուջետային «Wizz Air» ավիաընկերությունը հայկական շուկա է մտել 2019 թվականին։ Առաջին չվերթներն իրականացվել են դեպի Վիեննա և Վիլնյուս։