Դեկտեմբերի 11-ին նշվում է Լեռների միջազգային օրը (International Mountain Day), որը հիմնադրվել է 2003 թվականի հունվարին, ՄԱԿ-ի Գլխավոր վեհաժողովի 57-րդ նստաշրջանի որոշմամբ:
ՄԱԿ-ի Գլխավոր վեհաժողովը միջազգային հանրությանը կոչ է անում այս օրը միջոցառումներ կազմակերպել՝ ուշադրություն հրավիրելով մոլորակի լեռնային շրջանների զարգացման խնդիրների և դրանց բնակչությանն օգնություն ցուցաբերելու անհրաժեշտության վրա:
Բացի այդ, լեռները բազմաթիվ ինքնատիպ բույսերի և կենդանիների համար արգելոց են, Երկրի բոլոր հիմնական գետերի ջրի աղբյուր: Սակայն այսօր լեռները խոցելի էկոհամակարգեր են, որոնք գլոբալ նշանակություն ունեն՝ որպես քաղցրահամ ջրերի համաշխարհային պաշարների մեծ մասի աղբյուր, ինքնատիպ կենսաբազմազանության և հարուստ մշակութային ժառանգության բնօրրան, հանգստի և տուրիզմի տարածված վայր:
