Տաթև-Աղվանի ավտոճանապարհը խցանված է տրանսպորտային միջոցների հոսքի պատճառով

ԵՐԵՎԱՆ, 8 դեկտեմբերի – Sputnik. Սյունիքի մարզի Տաթև-Աղվանի ավտոճանապարհը խցանված է։ Տեղեկությունը հայտնում է «Ճանապարհային դեպարտամենտ» հիմնադրամը։

Ըստ հիմնադրամի` ժամը 16։35-ի դրությամբ Ստեփանավանի ոլորանները դժվարանցանելի են կցորդիչով տրանսպորտային միջոցների համար։

Միջպետական և հանրապետական նշանակության մյուս ավտոճանապարհները բաց են: