ԵՐԵՎԱՆ, 8 դեկտեմբերի – Sputnik. Վաղը` դեկտեմբերի 9-ին, ՌԴ նախագահ Վլադիմիր Պուտինը հանդիպում կունենա ՀՀ վարչապետ Նիկոլ Փաշինյանի հետ: Տեղեկությունն այսօր ճեպազրույցում հայտնել է ՌԴ նախագահի միջազգային հարցերով օգնական Յուրի Ուշակովը։
Ուշակովի խոսքով` հանդիպումը տեղի կունենա Ղրղզստանի մայրաքաղաք Բիշքեկում։
Նշենք, որ Բիշքեկում դեկտեմբերի 9-ին նախատեսված է անցկացնել Եվրասիական տնտեսական բարձրագույն խորհրդի նիստը։
Հիշեցնենք` ՌԴ առաջնորդի և ՀՀ վարչապետի նախորդ հանդիպումը կայացել էր նոյեմբերի 23–ին Երևանում` ՀԱՊԿ գագաթնաժողովի շրջանակում։