ԵՐԵՎԱՆ, 6 դեկտեմբերի – Sputnik. Թուրքիայի խորհրդարանում պատգամավորների միջև վիճաբանություն է տեղի ունեցել, պատգամավորներից մեկը հոսպիտալացվել է։ Տեղեկությունը հայտնում է Sputnik Թուրքիան։
«Բյուջետային քննարկումների երկրորդ օրը խորհրդարանի գլխավոր ասամբլեայում իրավիճակը լարվեց։ Պատգամավորների լեզվակռիվը վերածվեց բախման։ Iyi («Լավ կուսակցություն») կուսակցության անդամ Հուսեյն Օրսը հոսպիտալացվել է, նա ծեծկռտուքի ժամանակ գլխի վնասվածք է ստացել»,– ասված է հաղորդագրությունում։
Խորհրդարանի փոխխոսնակ Հայդար Աքարը վիճաբանությունից հետո նիստը 10 րոպեով ընդմիջել է։