ԵՐԵՎԱՆ, 6 դեկտեմբերի – Sputnik. Խորվաթիայի ՌՕՈւ–ի ՄիԳ-21 կործանիչն ընկել է երկրի հյուսիս–արևելքում, օդաչուին որոնում են։ Այս մասին հայտնում է ՌԻԱ Նովոստին` հղում անելով հանրապետության ՊՆ–ին։
«Խորվաթիայի ՌՕՈւ–ի ինքնաթիռբ այսօր պլանային ուսումնական թռիչքի ժամանակ ժամը 14.00–ի (Մոսկվայի ժամանակով`16.00) սահմաններում ընկել է Սլատինա քաղաքի մոտ գտնվող Վիրովիտիցկո–Պոդրավսկա ժուպանիայի տարածքում։ Միջոցներ են ձեռնարկվում անձնակազմի որոնման և փրկելու համար», – ասվում է հաղորդագրության մեջ։
Ներկայում, տարբեր տվյալներով, Խորվաթիայի զինվորականներին խորհրդային արտադրության 2-4 Միգ-21 կործանիչներ են մնացել աշխատող վիճակում։ Օդեսայի ավիավերանորոգման գործարանում Խորվաթիայի ՌՕՈւ–ի համար ձեռք բերված 12 ՄիԳ–21 կործանիչների գնման և վերանորոգման փորձն ավարտվեց 2019 թվականի մարտին, երբ ՊՆ բարձրաստիճան պաշտոնյաներից և տեղի գործարարներից մեկին ազատազրկման դատապարտեցին կաշառք տալու և անորակ վերանորոգման համար։
Խորվաթիայի պաշտպանության նախարարներ Մարիո Բանոժիչն ու Ֆլորենս Պարլին 2021 թվականի նոյեմբերին պայմանագիր կնքեցին 999 մլն եվրո արժողությամբ (հարկերը ներառյալ գումարը կազմեց 1.2 մլրդ եվրո)12 Rafale կործանիչների ձեռքբերման վերաբերյալ։
Կործանիչների փոխանցումն ու օդաչուների ուսուցումը մի քանի տարի կտևի։