ԵՐԵՎԱՆ, 5 դեկտեմբերի – Sputnik. Մալաթիա-Սեբաստիա վարչական շրջանի նախկին ղեկավար Սաշա Կատվալյանը Երևանի քաղաքապետի խորհրդական է նշանակվել։ Երևանի քաղաքապետ Հրաչյա Սարգսյանն այդ մասին հայտարարեց գործակարգավարական խորհրդակցության ժամանակ։
Բացի այդ, քաղաքապետի խորհրդական Մերի Մարգարյանն այժմ կկատարի Երևանի քաղաքապետարանի աշխատակազմի մարդկային ռեսուրսների կառավարման վարչության պետի պաշտոնակատարի պարտականությունները, իսկ Արմեն Առաքելյանը` Երևանի քաղաքապետարանի աշխատակազմի արտաքին ձևավորման և գովազդի վարչության պետի պաշտոնակատարի պարտականությունները։
Հիշեցնենք, որ Սաշա Կատվալյանը Մալաթիա-Սեբաստիա վարչական շրջանը ղեկավարել է 2022 թվականի մարտից մինչև հոկտեմբեր։