Քանաքեռավան գյուղի մոտ բեռնատար է շրջվել

ԵՐԵՎԱՆ, 29 նոյեմբերի - Sputnik. Նոյեմբերի 29-ին, ժամը 11:03-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Քանաքեռավան գյուղի գազալցակայանի մոտակայքում տեղի է ունեցել ՃՏՊ՝ բեռնատարը շրջվել է․ կա տուժած, հայտնում են ՀՀ արտակարգ իրավիճակների նախարարությունից։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։

Ողբերգական վթար Արմավիրի մարզում․1 մարդ տեղում է մահացել, մյուսը՝ հիվանդանոցի ճանապարհին

Պարզվել է, որ Քանաքեռավան գյուղի Երևանյան խճուղու թիվ 1 հասցեի մոտակայքում «ZIL-130» մակնիշի բեռնատարը (վարորդ՝ Ա․ Վ․, ծնված 1980 թ․) դուրս է եկել ճանապարհի երթևեկելի գոտուց և կողաշրջվել․ վարորդը արգելափակվել է բեռնատարի խցիկում։

Փրկարարները հատուկ տեխնիկայի օգնությամբ Ա․ Վ․-ին դուրս են բերել արգելափակումից և մոտեցրել շտապօգնության ավտոմեքենային․ տուժածը հոսպիտալացվել է «Արմենիա» ՀԲԿ։