ԵՐԵՎԱՆ, 28 նոյեմբերի - Sputnik. Նոյեմբերի 28-ին Ադրբեջանի ԶՈւ-ն արևմտյան ուղղությամբ խախտել է հրադադարը` կիրառելով հրաձգային զինատեսակներ և ՀԱՆ-17 նռնականետ։
Այս մասին հայտնում են ԱՀ ՊՆ մամուլի ծառայությունից։
«Հակառակորդի կողմից հրադադարի խախտման հետևանքով վիրավորում են ստացել ՊԲ զինծառայողներ Հ. Ա.-ն և Մ. Վ.-ն։ Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։
Ժամը 18:00-ի դրությամբ իրավիճակը շփման գծում հարաբերականորեն կայուն է»,-նշված է հաղորդագրության մեջ։
Հիշեցնենք, որ վերջին մեկ շաբաթվա ընթացքում Արցախի ՊԲ–ն քանիցս հայտարարել է, որ հակառակորդը տարբեր շրջաններում (Մարտունի, Մարտակերտ) թիրախավորել է գյուղանտնտեսական աշխատանքներ կատարող անձանց` կրակոցների միջոցով թույլ չտալով շարունակել աշխատանքը։
Այս օրերին նաև Ադրբեջանի ԶՈւ–ն գրեթե ամեն օր ապատեղակատվություն է տարածում այն մասին, որ իբրև թե ՊԲ ստորաբաժանումները նոյեմբերի կրակ են բացել տարբեր շրջանների օկուպացված տարածքներում տեղակայված ադրբեջանական դիրքերի ուղղությամբ։