ԵՐԵՎԱՆ, 25 նոյեմբերի – Sputnik. Երևանի Բաղրամյան պողոտան Կասյան փողոցին կապող ուղեանցը վաղն առավոտից փակ կլինի։ Տեղեկությունը հայտնում է Երևանի քաղաքապետարանը։
«Մայրաքաղաքի ամանորյա տոնական ձևավորման աշխատանքներով պայմանավորված՝ նոյեմբերի 26-ին, ժամը 09:00-ից մինչև նոյեմբերի 27-ի 22:00-ն փակ կլինի Բաղրամյան պողոտան Կասյան փողոցին կապող ուղեանցը»,– նշված է հաղորդագրության մեջ։
Երևանում տոնական ձևավորման աշխատանքներ այս տարի շուտ են մեկնարակել «Մանկական Եվրատեսիլ 2022» մրցույթի համար, որն այս տարի անցկացվելու է Երևանում։
Երևանի փոխքաղաքապետ Սուրեն Գրիգորյանը, որը համակարգում է ամանորյա տոնական ձևավորման գործընթացը, նոյեմբերի 21-ին աշխատանքային հերթական խորհրդակցության ժամանակ ասել է, որ վերջնարդյունքում կարդարացվեն երևանցիների սպասումները, և մայրաքաղաքն այս տարի կառանձնանա գեղարվեստական լուսավորության ինքնատիպ լուծումներով: