ԵՐԵՎԱՆ, 24 նոյեմբերի – Sputnik. Ուկրաինայի իրավիճակը կարող է տասնամյակներ ձգվել։ Ինչպես տեղեկացնում է «Անադոլու» գործակալությունը, այս հայտարարությունն արել է Թուրքիայի արտգործնախարար Մևլութ Չավուշօղլուն Անկարայի բուհերից մեկում կազմակերպված գիտաժողովի ժամանակ։
Թուրք նախարարը նշել է, որ ուկրաինական իրադրությունն այսպես թե այնպես կարգավորվելու է բանակցային սեղանի շուրջ և ոչ թե մարտի դաշտում ձեռք բերված հաջողությունների ճանապարհով։
Չավուշօղլուն հիշեցրել է, որ Անթալիայում ՌԴ-ի և Ուկրաինայի ԱԳՆ ղեկավարների, ինչպես նաև Ստամբուլում ՌԴ-ի և Ուկրաինայի պատվիրակությունների հանդիպման արդյունքում կողմերը մոտ էին հրադադարի պայմանավորվածությանը, սակայն հետագայում կրկին հեռացան երկխոսությունից։
«Այսօր պայմանները լրջորեն տարբերվում են նրանից, ինչ կար դեռ մարտին։ Ակնհայտ են նոր իրողությունները։ Իրավիճակն ավելի խճճված է, սակայն հույսը կորցնել չի կարելի», – նշել է Թուրքիայի արտգործնախարարը։
Նրա խոսքով` խաղադրույք կատարելով Ուկրաինայի ռազմական բաղկացուցչի վրա՝ վտանգ կա, որ առճակատումը կարող է տասնամյակներ տևել։
Փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 273-րդ օրը։