ԵՐԵՎԱՆ, 24 նոյեմբերի – Sputnik. ՀՀ ԱԺ նախագահի տեղակալ Հակոբ Արշակյանն առարկություններ է ներկայացրել «Կենսաբանական (մանրէաբանական) և տոքսինային զենքի մշակման անթույլատրելիության մասին» ՀԱՊԿ խորհրդարանական վեհաժողովի հայտարարության նախագծի քննարկման ժամանակ։ Այս մասին հայտնում է ՀՀ ԱԺ մամուլի ծառայությունը։
«Բարձրացված առարկություններն ու առաջարկները որոշվել է քննարկել լրացուցիչ` մինչևՀԱՊԿ ԽՎ խորհրդի նիստը»,– ասված է հաղորդագրությունում:
Նշենք, որ այսօր առցանց ձևաչափով տեղի է ունեցել ՀԱՊԿ խորհրդարանական վեհաժողովի քաղաքական հարցերի և միջազգային համագործակցության մշտական հանձնաժողովի արտահերթ նիստը:
Քննարկվել է ՀԱՊԿ անդամ երկրներում ընտրական գործընթացների և ինքնիշխանության պաշտպանության ապահովման ոլորտում օրենսդրության կատարելագործման վերաբերյալ հանձնարարականների նախագիծը:
Հաջորդ արտահերթ նիստը տեղի կունենա նոյեմբերի 29-ին։