ԵՐԵՎԱՆ, 23 նոյեմբերի – Sputnik. ՀԱՊԿ նեղ կազմով նիստի ժամանակ 17 որոշման նախագիծ է քննարկվել։ Նեղ կազմով նիստի աշխատանքներն ամփոփելիս ասաց ՀՀ վարչապետ Նիկոլ Փաշինյանը։
«Քննարկված 17 նախագծերից 15-ի հետ կապված կոնսենսուս կա` որոշում կայացրել ենք»,–ասաց Փաշինյանը։
Նրա խոսքով` 2 նախագծի վրա դեռ աշխատանքներ կտարվեն։
Ընդունված 15 որոշումները քիչ հետո կստորագրեն ՀԱՊԿ անդամ երկրների ղեկավարները։
Հիշեցնենք՝ ՀԱՊԿ գագաթնաժողովն ընթանում է Երևանում։ Հայաստան են ժամանել կազմակերպության անդամ երկրների առաջնորդները։
Հավաքական անվտանգության պայմանագրի կազմակերպության (ՀԱՊԿ) անդամներն են Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը: