ԵՐԵՎԱՆ, 20 նոյեմբերի – Sputnik. Ամերիկյան Վաշինգտոն նահանգում փոքր ինքնաթիռ է կործանվել, որի հետևանքով մահացել է չորս մարդ։ Տեղեկությունը հայտնում է ՌԻԱ Նովոստին` վկայակոչելով ոստիկանապետի գրասենյակին։
«Սնոհոմիշ շրջանի դատաբժշկական փորձաքննության բյուրոյի աջակցությամբ քննիչները հայտնել են չորս մարդու մահվան մասին», - ասված է ոստիկանապետի գրասենյակի ներկայացուցչի հայտարարությունում:
Միջադեպը տեղի է ունեցել Սնոհոմիշ շրջանում։ Ինքնաթիռն ընկել է դաշտում։ Վթարի պատճառը հայտնի չէ։