ՌԴ ՊՆ պաշտոնական ներկայացուցիչ Իգոր Կոնաշենկովը ճեպազրույցի ժամանակ հայտնել է, որ Ուկրաինայի ռազմական կառավարման օբյեկտներին, ռազմարդյունաբերական համալիրին և դրանց հետ կապված վառելիքաէներգետիկ ենթակառուցվածքներին հարված է հասցվել օդային, ծովային և ցամաքային տեղակայման մեծ հեռահարություն ունեցող բարձր ճշգրտության զենքից։
Հարվածը հասել է նպատակին, բոլոր հրթիռներն ընկել են նախանշված օբյեկտների վրա, խոցվել են հրթիռաշինության արտադրական հզորություններ, ոչնչացվել է արևմտյան երկրների կողմից մատակարարված հրետանային զենքով զինանոց։
ՌԴ ՊՆ–ն հայտարարել է, որ խափանվել է օտարերկրյա սպառազինության առաքումը և ուկրաինական պահեստազորի տեղափոխումը մարտական գործողությունների շրջան։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 267-րդ օրը։