ԵՐԵՎԱՆ, 17 նոյեմբերի – Sputnik. ՀՀ ԱՆ «Արթիկ» քրեակատարողական հիմնարկի դատապարտյալ Կ․ Մ․-ի անվամբ բերված սառնարանում բջջային հեռախոսներ և աքսեսուարներ են հայտնաբերվել։ Տեղեկությունը հայտնում է քրեակատարողական ծառայությունը։
Ըստ հաղորդագրության` քրեակատարողական հիմնարկի ծառայողները զննել են քաղաքացի Հ․ Շ․-ի բերած սառնարանը և պարզել, որ շարժիչի վրա զոդման եղանակով ամրացված լրացուցիչ մետաղյա կափարիչ կա։
Շարժիչն ամբողջությամբ առանձնացրել են և ստուգել անվտանգության ռենտգեն սարքի միջոցով։
Սառնարանի շարժիչի լրացուցիչ հատվածում նախապես պատրաստված թաքստոցում հայտնաբերել են 9 բջջային հեռախոս, 4 բաժանորդային քարտ, 1 լիցքավորիչ, USB 8 լար, 3 ականջակալ և բջջային հեռախոսի 2 մարտկոց։