ԵՐԵՎԱՆ, 16 նոյեմբերի – Sputnik. Բելառուսի սահմանապահները Ուկրաինայի հետ սահմանին անօդաչու են խոցել։ Տեղեկությունը հայտնում է Բելառուսի պետական սահմանապահ կոմիտեի մամուլի ծառայությունը։
Նշվում է, որ միջադեպը տեղի է ունեցել նոյեմբերի 16-ին Կոբրինսկի շրջանում։ Սահմանապահները սահմանից 100 մետր հեռավորության վրա նկատել են, որ բելառուսական տարածքին կվադրոկոպտեր է մոտենում։
Անօդաչուն խոցել են «Կալաշնիկով» ինքնաձիգով։ Կվադրոկոպտերը հագեցած է եղել տեսախցիկով և օգտագործվել է Բելառուսի տարածքում սահմանի պահպանության տեխնիկական միջոցները հետախուզելու և նկարահանելու համար։
Փաստի առթիվ անցկացվում են լրացուցիչ ստուգողական միջոցառումներ։
Կոմիտեն հիշեցրել է, որ նման դեպք տեղի էր ունեցել նոյեմբերի սկզբին Գոմելի շրջանում՝ Ուկրաինայի սահմանից ընդամենը մեկ կիլոմետր հեռավորության վրա։