Հայաստանի թատերական գործիչների միության նախագահ վերընտրվեց Հակոբ Ղազանչյանը

ԵՐԵՎԱՆ, 14 նոյեմբերի – Sputnik. Հայաստանի թատերական գործիչների միության նախագահ վերընտրվեց Հակոբ Ղազանչյանը:

Նախագահն ընտրվեց միության 17-րդ համագումարում, որը կազմակերպվել էր Երևանի պետական կամերային թատրոնում:

63-ամյա Հակոբ Ղազանչյանը, որը միակ թեկնածուն էր, ընտրվեց բաց քվեարկությամբ:

Թատերական գործիչների միությունն այս պահին շուրջ 620 անդամ ունի: