Հայաստան կժամանեն Գլոբալ առաջնորդության հիմնադրամի ներկայացուցիչները

ԵՐԵՎԱՆ, 14 նոյեմբերի – Sputnik. Գլոբալ առաջնորդության հիմնադրամի (Global Leadership Foundation) ներկայացուցիչները կայցելեն Հայաստան։ ՀՀ վարչապետ Նիկոլ Փաշինյանը նրանց այցը կազմակերպելու մասին որոշում է ստորագրել։

Նշվում է, որ Երևան կժամանեն Շվեյցարիայի նախկին նախագահ Միշելին Քալմի-Ռեյը, ինչպես նաև հիմնադրամի ծրագրերի տնօրեն Ամիթավ Բաներջին:

Նրանք մեր երկրում կլինեն նոյեմբերի 15-18-ը ներառյալ։

Հիշեցնենք, որ սա հիմնադրամի պատվիրակների երկրորդ այցն է Հայաստան։ Առաջին անգամ նրանք Հայաստան էին եկել նախկին նախագահ Արմեն Սարգսյանի հրավերով, որը 2006-2013 թվականներին հիմնադրամի վարչության անդամ էր: