Մամիկոն Ղարիբյանն ու Մարիամ Մկրտչյանը Թուրքիայում անցկացվող առաջնության առաջատարներն են

ԵՐԵՎԱՆ, 12 նոյեմբերի – Sputnik. Անթալիայում ընթացող շախմատի Եվրոպայի պատանեկան առաջնության մինչև 18 տարեկան մրցաշարի 6-րդ տուրում Հայաստանի ներկայացուցիչ Մամիկոն Ղարիբյանը հաղթել է ռուս մրցակցին և գլխավորել մրցաշարային աղյուսակը։

Այժմ Մամիկոնն իր ակտիվում ունի 5.5 միավոր և մրցաշարի միանձնյա առաջատարն է:

Հայաստանի ներկայացուցիչ Մարիամ Մկրտչյանն էլ 5-րդ հաղթանակն է տարել Մ18 աղջիկների մրցաշարում։ Նա պարտության է մատնել ուկրաինացի մրցակցին և նույնպես գլխավորում է մրցաշարային աղյուսակը: Մկրտչյանը ևս իր ակտիվում 5.5 միավոր ունի։

Մրցաշարի ավարտին մնացել է 3 տուր: