ԵՐԵՎԱՆ, 11 նոյեմբերի – Sputnik. Վերաքննիչ քրեական դատարանը մերժել է փաստաբան Էրիկ Ալեքսանյանի կալանավորման դեմ պաշտպանական կողմի ներկայացրած հատուկ վերանայման բողոքը: Տեղեկությունը հայտնում է փաստաբան Ալեքսանդր Կոչուբաևը։
Սա նշանակում է, որ էրիկ Ալեքսանյանը կմնա կալանքի տակ։
Նշենք, որ Էրիկ Ալեքսանյանի պաշտպանական խումբը նրա նկատմամբ կալանավորումը որպես խափանման միջոց ընտրելու որոշման դեմ բողոք էր ներկայացրել հոկտեմբերի 25–ին։
Հիշեցնենք` հոկտեմբերի 19–ին Երևանի ընդհանուր իրավասության դատարանը՝ դատավոր Արշակ Մաթևոսյանի նախագահությամբ, բավարարեց Ալեքսանյանի նկատմամբ կալանավորումը որպես խափանման միջոց ընտրելու` ԱԱԾ քննիչի միջնորդությունը։
Նույն գործով անցնում է նաև դատավոր Արուսյակ Ալեքսանյանը, որը նույնպես նույն օրը կալանավորվեց։
Արուսյակ Ալեքսանյանին մեղադրանք է առաջադրվել պաշտոնեական լիազորությունները չարաշահելու, իսկ փաստաբան Էրիկ Ալեքսանյանին՝ նրան աջակցելու համար: