Արարատ Միրզոյանը Փարիզ է մեկնում

ԵՐԵՎԱՆ, 10 նոյեմբերի – Sputnik. ՀՀ ԱԳ նախարար Արարատ Միրզոյանն այսօր` նոյեմբերի 10–ին, աշխատանքային այցով մեկնում է Ֆրանսիայի մայրաքաղաք Փարիզ։ Տեղեկությունը հայտնում է ՀՀ ԱԳՆ մամուլի ծառայությունը։

ՀՀ ԱԳ նախարարը կմասնակցի նաև Փարիզի խաղաղության հինգերորդ համաժողովին:

Հիշեցնենք, որ սեպտեմբերի 13–ի ագրեսիայից անմիջապես հետո` սեպտեմբերի 14–ին, ՀՀ արտգործնախարար Արարատ Միրզոյանը հեռախոսազրույց էր ունեցել Ֆրանսիայի արտգործնախարար Կատրին Կոլոննայի հետ։

Երկուստեք կարևորվել էր Հայաստանի տարածքային ամբողջականության անվերապահ պահպանումը և հրադադարի ռեժիմի խիստ հարգումը: