ԵՐԵՎԱՆ, 9 նոյեմբերի – Sputnik. Բժիշկ Կիմ Հեքիմյանը նշանակվել է ՀՀ առողջապահության նախարար Անահիտ Ավանեսյանի՝ առողջապահական քաղաքականության հարցերով խորհրդական, տեղեկանում ենք նախարարության ֆեյսբուքյան էջից։
«Սփյուռքի համագործակցության այս մոդելը նոր է: Կան հանրային առողջապահության փորձագետներ ամբողջ աշխարհից, որոնք համախմբվում են մեր երկրի համար հասանելի, անաչառ ու բարձրորակ ծառայությունների մատուցման նոր մտահղացումներ կենսագործելու համար»,-ասել է Կիմը:
Հանրային առողջապահության դոկտոր, պրոֆեսոր Կիմ Հեքիմյանը Նյու Յորքի Կոլումբիայի համալսարանի դասախոս է, հանրային առողջապահության ոլորտում VP&S ծրագրի տնօրենի տեղակալ, Հայաստանում ամերիկյան համալսարանի դասախոս: Նա մասնագիտացած է մոր և մանկան առողջության պահպանման, հատկապես` սնուցման ոլորտում։