ԵՐԵՎԱՆ, 2 նոյեմբերի – Sputnik. Ռուսաստանի դեմ լիարժեք տեղեկատվական պատերազմ է գնում, սակայն ճշմարտությունը մեր կողմից է։ Այս մասին հայտարարել է «Ռոսիա սեգոդնյա» միջազգային մեդիախմբի գլխավոր տնօրեն Դմիտրի Կիսելյովը։
«Շատ անմիջական, ճակատ–ճակատի մեզ հետ կռվում են տեղեկատվական պատերազմներում հասանելի հնարավոր բոլոր միջոցներով, ընդ որում նաև նորերն են ստեղծում։ Բայց ոչինչ չի ստացվում, քանի որ ճշմարտությունը մեր կողմից է, և ճշմարտությունը բոլոր նրանց դեմ է, ովքեր սկսել են Ռուսաստանի և գրեթե ամբողջ աշխարհի դեմ այդ ագրեսիան», – «Ռոսիա սեգոդնյա» մամուլի կենտրոնում «Մեդիայի զարգացումը փոփոխվող աշխարհում» խորագրով ԱՊՀ երկրների մեդիաֆորումի բացմանն ասել է Կիսելյովը։
Նրա խոսքով` եթե եվրոպական գազատարների պայթյունի մասին ճշմարտությունն ասվի, ապա այն կլինի հօգուտ Ռուսաստանի, այդ պատճառով էլ այդ մասին լռում են։ Կիսելյովը նշել է, որ նույն իրավիճակն է նաև այլ հարցերում։
Նա վստահություն է հայտնել, որ Ռուսաստանը չի պարտվում տեղեկատվական պատերազմներում։
«Մենք միասնական ենք, կայուն, այդպես էլ կշարունակենք անցնել այդ ճանապարհը, մինչև լիարժեք հաղթանակի հասնելը», – ընդգծել է Կիսելյովը։
«Ռոսիա սեգոդնյա» միջազգային մեդիախումբը ՌԴ Թվային զարգացման, կապի և զանգվածային հաղորդակցությունների նախարարության աջակցությամբ հանդիսանում է ֆորումի կազմակերպիչը։