ԵՐԵՎԱՆ, 1 նոյեմբերի – Sputnik. Խաղողի մթերման խնդիրները լուծված են, խաղողը` մթերված։ Այսօր Ազգային ժողովում լրագրողների հետ ճեպազրույցում այս հայտարարությունն արեց ՀՀ էկոնոմիկայի նախարար Վահան Քերոբյանը։
«Մի քանի անգամ ես այցելել եմ տարբեր մարզեր, գյուղացիներն են եկել, մի քանի քննարկում ենք կազմակերպել։ Բոլոր խնդիրները լուծված են։ Այս պահին մթերումն ամբողջությամբ ավարտված է»,– ասաց նա։
Քերոբյանը չհերքեց, որ կան մթերումից դժգոհ ֆերմերներ։ Դժգոհության հիմնական պատճառը, նրա խոսքով, մթերման ցածր արժեքն է` շուրջ 120 դրամ` 1 կգ–ի դիմաց։
Իսկ խաղողը ցածր գնով է մթերվել, քանի որ դոլարի փոխարժեքի անկման պատճառով հայաստանյան կոնյակ արտադրողներն արտաքին շուկաներում վրացական, մոլդովական, ուզբեկական արտադրության կոնյակի սպիրտի հետ մրցունակ լինելու խնդիր ունեն։