Կարո Փայլանին ընդունել են Փաշինյանն ու Տեր-Պետրոսյանը

ԵՐԵՎԱՆ, 29 հոկտեմբերի – Sputnik. Հայաստան-Թուրքիա կարգավորման գործընթացի շուրջ մտքեր են փոխանակել վարչապետ Նիկոլ Փաշինյանը և Թուրքիայի խորհրդարանի պատգամավոր Կարո Փայլանը, տեղեկանում ենք ՀՀ վարչապետի աշխատակազմից։

Նշվում է, որ Փալյանը Երևան է ժամանել Համամաշխարհային հայկական առաջին գագաթնաժողովին մասնակցելու նպատակով:

Միաժամանակ, ilur.am-ից տեղեկանում ենք, որ ՀՀ առաջին նախագահ Լևոն Տեր-Պետրոսյանը նույնպես հյուրընկալել է Փայլանին:

Նշվում է, որ ավելի քան երկու ժամ տևած զրույցն ընթացել է հայ-թուրքական հարաբերությունների կարգավորման հեռանկարների շուրջ: