ԵՐԵՎԱՆ, 28 հոկտեմբերի – Sputnik. Ռուսաստանի, Ղազախստանի և Հայաստանի բժշկական գենետիկների ասոցիացիաների ղեկավարներն այսօր հռչակագիր են ստորագրել Բժիշկ գենետիկների եվրասիական ասոցիացիա ստեղծելու վերաբերյալ։ Կազմակերպությունը կոչված է միջազգային գիտահետազոտական նախագծեր զարգացնելու օրֆան (շատ հազվագյուտ – խմբ,) հիվանդություններով բուժառուների շահերից ելնելով։ Այս մասին հայտնել են ակադեմիկոս Բաչկովի անվան բժշկագենետիկական գիտական կենտրոնի մամուլի ծառայությունից։
Ինչպես նշել է Հայաստանի բժշկական գենետիկայի և առողջության առաջնային պահպանման կենտրոնի տնօրեն Թամարա Սարգսյանը, ասոցիացիայի երկրների բժշկագենետիկական միությունների միավորումը կապահովի մասնագետների փորձի փոխանակում կլինիկական և գենետիկական ախտորոշման ու օրֆան հիվանդությունների բուժման ոլորտում, իսկ առավել հաջող ուղղությունների կենտրոնացումը միտված կլինի հազվագյուտ հիվանդություններով բուժառուների ամենաբարդ խնդիրների լուծմանը։
Կազմակերպությունը միջազգային գիտահետազոտական նախագծեր է համակարգելու` ելնելով օրֆան գենետիկ հիվանդություններ ունեցող բուժառուների շահերից։