ԵՐԵՎԱՆ, 28 հոկտեմբերի – Sputnik. ԱՊՀ երկրների կառավարությունների ղեկավարների խորհրդի նիստի մասնակիցներն այսօր Աստանայում հաստատել են 2023 թվականին ռուսաց լեզվի տարվա անցկացման ծրագիրը: Տեղեկությունը հայտնում է ԱՊՀ գործադիր կոմիտեի մամուլի ծառայությունը։
Փաստաթղթում ավելի քան 150 կետ կա։ Այն սահմանում է ռուս ուսուցիչների որակավորման բարձրացման, շնորհալի երեխաների և երիտասարդների աջակցության միջոցառումները:
Բացի այդ, հաստատվել է գիտատեխնիկական և տեխնոլոգիական համագործակցության հայեցակարգը։
«Նիստում հաստատվել են գիտատեխնիկական ու տեխնոլոգիական համագործակցության հայեցակարգը և ԱՊՀ մասնակից պետությունների քիմիական համալիրի ճյուղերի թվային վերափոխման հայեցակարգը, ինչպես նաև դրանց իրականացման միջոցառումների ծրագրերը»,- նշված է հաղորդագրության մեջ:
2023-2026 թվականների միջպետական ռադիոտեղորոշիչ ծրագրի և «Ուրան արդյունահանող արտադրությունների ազդեցության ենթարկված պետությունների տարածքների ռեկուլտիվացիա» միջպետական նպատակային ծրագրի վերաբերյալ որոշումներ են ստորագրվել։
Կառավարությունների ղեկավարները նաև հաստատել են մինչև 2030 թվականը ԱՊՀ մասնակից պետությունների ինովացիոն համագործակցության միջպետական ծրագրի օպերատորի մասին դրույթը: