ԵՐԵՎԱՆ, 27 հոկտեմբերի - Sputnik. Հոկտեմբերի 27-ին Եվրոպական հանձնաժողովը պաշտոնապես հայտարարել է Հայաստանի՝ «Ստեղծագործ Եվրոպա» ծրագրին (2021-2027թթ.) միանալու մասին։ Այս մասին տեղեկանում ենք ՀՀ ԱԳՆ խոսնակի ֆեյսբուքյան էջից։
Նշվում է, որ 2014-ից 2020 թվականներին Հայաստանն արդեն մասնակցել է «Ստեղծագործ Եվրոպայի» նախորդ փուլին։
«Ծրագրին շարունակական մասնակցությունը նոր հնարավորություններ է ստեղծում երկրի մշակութային և ստեղծագործական ոլորտների համար` դարձնելով դրանք ավելի ներառական, թվային և էկոլոգիապես ավելի կայուն»,- ասվում է հաղորդագրության մեջ։
Ըստ ԱԳՆ հաղորդագրության՝ ծրագրին մասնակցությունը ամրապնդում է Հայաստանի և Եվրոպական միության մշակութային համագործակցությունը։