ԵՐԵՎԱՆ, 26 հոկտեմբերի – Sputnik. Իրանի Շիրազ քաղաքում Շահչերաղ սրբավայրի վրա հարձակման հետևանքով վիրավորների թիվը հասել է 45-ի։ Տեղեկությունը հայտնում է ՌԻԱ Նովոստին` վկայակոչելով Fars–ին։
«Շահչերաղ սրբավայրում տեղի ուենցած ահաբեկչական հարձակման հետևանքով վիրավորների թիվը հասել է 45-ի։ Մահացածների թվում 2 երեխա կա»,– ասված է հաղորդագրությունում։
Ավելի վաղ հայտնում էին 40 տուժածի մասին։
Tasnim գործակալությունն էլ, վկայակոչելով իրավապահ մարմիններում իր աղբյուրներին, հայտնում է, որ «Շահչերաղ» սրբավայրի վրա զինված հարձակումն իրականացրել են արմատականները։
«Շիրազում սրբավայրի վրա հարձակումը կատարվել է արմատական վահաբիական տարրերի կողմից (վահաբիզմը սունիական իսլամի արմատական ուղղությունն է– խմբ.): Նրանք օգտվել են երկրում վերջերս տեղի ունեցած անկարգություններից և ահաբեկչական գործողություն են իրականացրել»,- ասել է Tasnim-ի աղբյուրը։
Ավելի վաղ իրանական ԶԼՄ-ները հայտնել էին, որ երեք անհայտ անձ կրակ են բացել Իրանի հարավում գտնվող դամբարանի ուղղությամբ։ Լրատվամիջոցների տվյալներով սպանվել է 15 մարդ։