ԵՐԵՎԱՆ, 25 հոկտեմբերի – Sputnik. Այսօր ՃՏՊ է տեղի ունեցել Աշտարակ-Օշական ավտոճանապարհին, ինչի հետևանքով 3 անձ է մահացել, հայտնում է ԱԻՆ–ը։
Նշվում է, որ ժամը 20:48-ին ահազանգ է ստացվել, որ Աշտարակ-Օշական ավտոճանապարհին այրվում է ավտոմեքենա։ Պարզվել է, որ «Mercedes-Benz» մակնիշի ավտոմեքենան բախվել է էլեկտրական սյանը, այնուհետև՝ ծառին և բռնկվել։
Հրդեհը մեկուսացվել է ժամը 21։17-ին, մարվել՝ 22։28-ին։
Փրկարարներն ավտոմեքենայում հայտնաբերել են երեք այրված դի։ Ուղևոր Ա․ Ն-ն այրվածքներով տեղափոխվել է Աշտարակ քաղաքի ԲԿ, այնուհետև՝ «Այրվածքաբանության ազգային կենտրոն» ՓԲԸ։