ԵՐԵՎԱՆ, 24 հոկտեմբերի – Sputnik. Ռուսաստանի պաշտպանության նախարարությունը տեղեկություններ ունի, որ Ուկրաինայի նախագահ Վլադիմիր Զելենսկու գրասենյակը շփումների մեջ է Մեծ Բրիտանիայի հետ` միջուկային տեխնոլոգիաների ձեռքբերման հարցով։ ՌԴ զինված ուժերի ճառագայթային, քիմիական և կենսաբանական պաշտպանության զորքերի պետ Իգոր Կիրիլովը ճեպազրույցում ասել է, որ իրենց տեղեկություններով` Ուկրաինայում «կեղտոտ ռումբի» ստեղծման աշխատանքներն ավարտական փուլում են։
Նա նշել է, որ Ուկրաինան ունի համապատասխան արտադրական բազա և գիտական ներուժ։ Ուկրաինայում կան միջուկային արդյունաբերության ձեռնարկություններ` ռադիոակտիվ նյութերի պաշարներով, որոնք կարող են օգտագործվել «կեղտոտ ռումբի» ստեղծման համար։ Դրանք երեք գործող ատոմակայաններն են՝ հարավ-ուկրաինական, Խմելնիցկի և Ռիվնե՝ օգտագործված միջուկային վառելիքի 9 ավազաններով, որոնցում առկա է 1500 տոննա 1,5%–անոց հարստացված ուրանի օքսիդ:
ՌԴ ՊՆ մեկնաբանմամբ` Ուկրաինան կարող է քողարկել «կեղտոտ ռումբի» կիրառումը որպես ռուսական միջուկային զենքի ապօրինի կիրառում, և նախազգուշացրել է Կիևի կողմից «կեղտոտ ռումբի» կամ ցածր արտադրողականության միջուկային զենքի պայթեցման սադրանքի հնարավոր հետևանքների մասին։
Ռուսաստանի Դաշնության պաշտպանության նախարարությունը նախազգուշացրել է Կիևի կողմից «կեղտոտ ռումբի» կամ ցածր արտադրողականության միջուկային զենքի պայթեցմամբ սադրանքի հնարավոր հետևանքների մասին։
Ռադիոլոգիական պայթուցիկ սարքի գործարկումն անխուսափելիորեն կհանգեցնի տարածքի ռադիոակտիվ աղտոտմանը` մի քանի հազար քառակուսի մետր շառավղով։
Կեղտոտ ռումբի սադրանքի արդյունքում Ուկրաինան ակնկալում է ահաբեկել տեղի բնակչությանը, մեծացնել փախստականների հոսքը Եվրոպայով և Ռուսաստանին ներկայացնել իբրև միջուկային ահաբեկիչ։
Երկրի հյուսիսում «քամու վարդի» (տվյալ տարածքում քամու ռեժիմը) առաջացումը կարող է հանգեցնել Բելառուսում և Հյուսիսային Եվրոպայում, ներառյալ` Բալթյան երկրներում ռադիոակտիվ տեղումների: Ռադիոակտիվ նյութերը կարող են ծածկել Լեհաստանը։ Դրա օգտագործումը հարավում կթունավորի ամբողջ Սև ծովը։
Երկրի հյուսիսում «քամու վարդի» (տվյալ տարածքում քամու ռեժիմը) առաջացումը կարող է հանգեցնել Բելառուսում և Հյուսիսային Եվրոպայում, ներառյալ` Բալթյան երկրներում ռադիոակտիվ տեղումների: Ռադիոակտիվ նյութերը կարող են ծածկել Լեհաստանը։ Դրա օգտագործումը հարավում կթունավորի ամբողջ Սև ծովը։
Կիրիլովը նշել է, որ «կեղտոտ ռումբով» սադրանքի մեթոդները նախկինում արդեն կիրառվել են Սիրիայում, երբ Սպիտակ սաղավարտներն այնտեղ նկարահանել են քարոզչական տեսանյութեր կառավարական ուժերի կողմից քիմիական զենքի կիրառման մասին։ Նա հիշեցրել է, որ ամենահնչեղ ու լայնորեն լուսաբանված դրվագներից մեկը 2017 թվականի ապրիլի 4-ին սիրիական Խան-Շեյխուն քաղաքում կազմակերպված սադրանքն է եղել։
Ըստ նրա՝ ամերիկացիները, որպես պատրվակ օգտագործելով այս սադրանքը, չսպասելով հետաքննության մեկնարկին և, առավել ևս, ՄԱԿ-ի Անվտանգության խորհրդի որոշմանը, հրթիռային հարձակում են գործել Շայրաթ ավիաբազայի վրա՝ կոպտորեն խախտելով միջազգային իրավունքի նորմերը։
Կիրիլովը չի բացառել, որ նմանատիպ սցենար կիրառվի նաև Ուկրաինայում` մեղքը Ռուսաստանի վրա բարդելու նպատակով։
ՌԴ ՊՆ-ն աշխատանքներ է կազմակերպել Ուկրաինայի կողմից հնարավոր սադրանքներին հակազդելու ուղղությամբ. Զինված ուժերն ու միջոցները պատրաստ են առաջադրանքներ կատարել ռադիոակտիվ աղտոտվածության պայմաններում։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 242-րդ օրը։