ԵՐԵՎԱՆ, 23 հոկտեմբերի – Sputnik. Եվրոպայի նորընծա չեմպիոն, բռնցքամարտիկ Անի Հովսեփյանը հաղթանակից անմիջապես հետո Հայաստանի բռնցքամարտի ֆեդերացիային պատմել է իր չեմպիոնական զգացողությունների մասին է։
«Իռլանդացի բռնցքամարտիկն ուղղակի նվեր չէր ու բավականին բարդ մրցակից էր, բայց կավելացնեմ այն, որ ռինգում իմ ցանկությունը ավելի մեծ էր հաղթելու ու պայքարելու, որովհետև ես շատ երկար էի սպասել այս պահին ու այս մեդալին»,– ասել է Անին:
Անի Հովսեփյանը պատմել է, որ նախապատրաստական շատ լավ փուլ է անցել, անցկացրել է երեք ուսումնամարզական հավաք։ Նորընծա չեմպիոնը հավելել է նաև, որ ավելի լավ է պատրաստվելու, որ հետագայում զարգացնի այն հաջողությունը,որն ունի հիմա։
Անիին հույս ունի, որ կընդգրկվի օլիմպիական հավաքականում ու կդառնա գլխավոր հավակնորդներից մեկը Օլիմպիական խաղերում:
Հիշեցնենք, որ Չեռնոգորիայի Բուդվա քաղաքում անցկացվող առաջնությունում Անին 70 կգ քաշային կարգում եզրափակիչում 4:1 հաշվով պարտության մատնեց Իռլանդիայի ներկայացուցիչ Քրիստինա Դեսմոնդին։
Նա դարձավ հայկական բռնցքամարտի պատմության մեջ առաջին կին չեմպիոնը Եվրոպայի առաջնություններում։