ԵՐԵՎԱՆ, 20 հոկտեմբերի - Sputnik. Հայաստանի Հանրապետություն այցելած Ղազախստանի ռազմական ոստիկանության պատվիրակությունը ՀՀ ՊՆ ՌՈ պետի և այլ ծառայողների հետ քննարկել են երկկողմ համագործակցության և փորձի փոխանակման հետ կապված մի շարք հարցեր, կարևորել նմանօրինակ հանդիպումները: Տեղեկությունը հայտնում է ՀՀ պաշտպանության նախարարության մամուլի ծառայությունը։
Հայաստանում էր Ղազախստանի ռազմական ոստիկանության պատվիրակությունը
© Photo : The official Telegram channel of the MoD RA
Ղազախստանի զինված ուժերի ռազմական ոստիկանության պատվիրակությունը Հայաստանում է եղել հոկտեմբերի 17-19-ը՝ Հայաստանի և Ղազախստանի հանրապետությունների պաշտպանության նախարարությունների երկկողմ համագործակցության շրջանակում։
Պատվիրակության անդամներին, ՀՀ-ում ՂՀ ռազմական կցորդ, գնդապետ Կ. Օրիմբաևի ուղեկցությամբ, ընդունել է ՀՀ ՊՆ ՌՈ պետ, գեներալ-մայոր Աշոտ Զաքարյանը:
Այցի շրջանակում ՂՀ ռազմական ոստիկանության պատվիրակությունն այցելել է նաև Ծիծեռնակաբերդի հուշահամալիր, հարգանքի տուրք մատուցել Հայոց ցեղասպանության նահատակների հիշատակին:
Հայաստանում էր Ղազախստանի ռազմական ոստիկանության պատվիրակությունը
© Photo : The official Telegram channel of the MoD RA