ԵՐԵՎԱՆ, 18 հոկտեմբերի – Sputnik. Լեհաստանի երեխաները Եվրոպայում ամենից շատ են ավելորդ քաշի հակված։ Տեղեկությունը հայտնում է լեհական Gazeta Wyborcza-ն՝ հղում անելով ԱՀԿ-ի տվյալներին:
Հանրային առողջության ժողովրդական ինստիտուտի տվյալներով՝ լեհ դպրոցականների 30,5 տոկոսը տառապում է ավելորդ քաշից։
Նշվում է, որ Լեհաստանում երեխաները չարաշահում են յուղոտու քաղցր սնունդը, նրանք ավելի քիչ են շարժվում. ծնողներն ավելի հաճախ են նրանց մեքենայով տանում և՛ դպրոց, և՛ պարապմունքների:
Պոզնանի ֆիզիկական կուլտուրայի ակադեմիայի սննդաբան Էվա Շլիվիցկան նշում է, որ պետք է հասկանալ՝ ավելորդ քաշից ազատվել անհրաժեշտ է ճիշտ ապրելակերպի շնորհիվ։ Ավելին, դա վերաբերում է ընդհանուր առմամբ ընտանիքին, քանի որ երեխաները պետք է օրինակ վերցնեն ծնողներից:
Բացի այդ, մասնագետը նշել է՝ պետք է հիշել, որ ավելորդ քաշը նվազեցնելը արագ չի լինում։
Նշենք, որ Հայաստանում, ԱՀԿ-ի տվյալներով, ավելորդ քաշից տառապում է բնակչության ավելի քան 50%-ը, որից 20% -ը՝ ճարպակալումից։