ԵՐԵՎԱՆ, 18 հոկտեմբերի - Sputnik. Երևանում ավարտվեց Yerevan Open 2022 («Երևան Օփեն») շախմատի միջազգային մրցաշարը:
Ինը տուրերից հետո Ա խմբի մրցաշարային աղյուսակը գլխավորեցին Սերգեյ Լոբանովը (Ռուսաստան) և Հայաստանի ներկայացուցիչ Մամիկոն Ղարիբյանը՝ 7-ական միավորով։
Մամիկոն Ղարիբյանը լրացուցիչ ցուցանիշներով զիջեց Լոբանովին և մրցաշարում զբաղեցրեց երկրորդ տեղը։
Մրցաշարին մասնակցում էին 15 երկրի 292 շախմատիստներ։ «Երևան Օփեն» մրցաշարին մասնակցում էին միջազգային կոչում ունեցող 55 շախմատիստ, որոնցից 22-ը միջազգային գրոսմայստերներ են:
Մրցաշարի մրցանակային ֆոնդը կազմում է 14 միլիոն դրամ: