ԵՐԵՎԱՆ, 17 հոկտեմբերի - Sputnik. Երևանում ամփոփել են Դոստոևսկու անվան ժամանակակից ակնարկի մրցույթի արդյունքները: Մրցույթին ներկայացվել էին 2021-2022 թվականներին գրված, ռուսերեն լեզվով ակնարկներ:
Մրցույթի մրցանակաբաշխությունը, որը տեղի է ունեցել Sputnik Արմենիա մուլտիմեդիոն մամուլի կենտրոնում, նվիրված էր Հայ մամուլի օրվան, որը նշվում է 1795 թվականին առաջին հայկական պարբերականի «Ազդարար» ամսագրի լույսընծայման օրը։
Մրցույթը կոչվել է Ֆյոդոր Դոստոևսկու անունով, որպեսզի ժամանակակից ընթերցասեր լսարանին հիշեցնեն ռուս գրողի լրագրողական (ավելի ճիշտ՝ ամսագրային) գործունեության մասին։ «Քաղաքացի» ամսագրի հետ համագործակցության տարիներին Դոստոևսկին գրել է հոդվածներ (ինչպես մեր օրերում կկոչեին` հեղինակային սյունակներ), որոնք հետագայում միացվել են «Գրողի օրագրին»:
«Քչերը գիտեն, որ ռուս գրականության դասական Ֆյոդոր Միխայլովիչ Դոստոևսկին գումար էր վաստակում լրագրող աշխատելով։ Խորհրդանշական է, որ այսօր, Հայ մամուլի օրվա տոնից հետո, հենց այստեղ` Sputnik Արմենիայի խմբագրությունում է տեղի ունենում այդ մրցույթի արդյունքների ամփոփումը»-հավաքվածներին դիմելով, ասաց Sputnik Արմենիա գործակալության և ռադիոյի ղեկավար Դմիտրի Պիսարենկոն։
Ժյուրիի կազմում ընդգրկված էին մոտ 20 հեղինակավոր լրագրողներ և առաջատար լրատվամիջոցների ներկայացուցիչներ։ 80 աշխատանքներից ընտրվել են 10 լավագույնները։
Մրցույթի հաղթող են դարձել Կոնստանտին Մարտիրոսյանի «Թմրանյութ չէ, բայց երբեմն վառում է», Մարիա Պետրոսյանի «Մի լացիր, Ժուժան քեզ հետ է» և Մարիամ Գևորգյանի «Արդեն հանգիստ եմ. թե ինչու Լեոնիդ պապը աշխարհը կիսատ էր տեսնում, բայց վերջում տեսավ» աշխատանքները։
Մրցանակակիրների թվում է նաև Sputnik Արմենիայի թղթակից Արամ Գարեգինյանը։
Մրցանակակիրների թվում է նաև Sputnik Արմենիայի թղթակից Արամ Գարեգինյանը։
© Sputnik / Aram Nersesyan
Առանձնացվել են նաև Գրիգորի Տեր-Օսիպովի «Խորհրդանիշի որոնումներում», Ռոբերտ Հայրապետյանի «Նվեր խնձոր», Գրիգորի Ադոնցի «Ստեփանակերտի օդանավակայանում», Լիլիա Սարգսյանի «Ինչպե՞ս կարող էիր աղջկանով հղիանալ, կամ բարդ գործարք խղճի հետ» և Ալինա Սերյոգինայի «Մենք սովորել ենք ապրել շատ ավելի շուտ, քան սովորել ենք մտածել. Հովհաննես Ազնավուրյանը 91 թվականի ծանր տարիներից մինչև 21-ի երջանկության կայծերը») աշխատանքները։
Sputnik Արմենիայի հատուկ մրցանակը՝ power-bank-ը, բաժին հասավ Գեղեցիկ Մանուկյանին «Հնդիկ սրտաբանի սիրտը Հայաստանն է ընտրել» աշխատանքի համար։