ԵՐԵՎԱՆ, 16 հոկտեմբերի – Sputnik. ԱՄՆ-ն պետք է պատրաստվի բարձր գնաճի տասնամյակներին։ Տեղեկությունը նշվում է Bank of America-ի (ԱՄՆ-ի խոշորագույն առևտրային բանկերից մեկի) վերլուծությունում:
Բանկի վերլուծաբանների կարծիքով՝ համաշխարհային տնտեսությունում տեղի են ունենում գլոբալ տեղաշարժեր, որոնք նոր իրականություն են տեղափոխում գլոբալ տնտեսությունը։
Նավթի և գազի գները բարձր կմնան վերջին 10 տարվա ընթացքում էներգետիկ ոլորտում ոչ բավարար ներդրումների պատճառով։
Գնաճի վրա ճնշում է գործադրում նաև աշխատավարձերի աճը. 2022-ին 45 տարվա մեջ առաջին անգամ այն հասել է 6 տոկոսի։ Ամերիկյան խոշորագույն ընկերություններում (S&P 500 ինդեքսից) աշխատանքային ծախսերը կազմում են բոլոր ծախսերի 40%-ը։ Մյուս կողմից, առաջիկա տարիներին աշխատաշուկայում դեֆիցիտ կլինի, քանի որ բեյբի-բումի սերունդը թոշակի է անցնում։
Ավելի վաղ գնաճի հաղթահարման գործում օգնում էր համաշխարհային առևտուրն ու աշխատանքային միգրացիան, բայց հիմա աշխարհի բնակչության ծերացմանը պես դրա հոսքերը կրճատվելու են։
Բանկի վերլուծաբանները նշում են, եթե որևէ զարգացած երկրում գնաճը հասնում է 5 տոկոսի, հարկավոր է միջինը 10 տարի, որ այն 2 տոկոսի վերադառնա: ԱՄՆ-ում գնաճը մեկ տարուց ավել է բարձր մակարդակի վրա է, օրինակ՝ սեպտեմբերին այն կազմել է 8,2 տոկոս։
Նշենք, որ ԱՄՆ-ում բարձր գնաճը ներդրողների մոտ խթան է ստեղծում զարգացող երկրներից իրենց գումարները դուրս բերելու համար, քանի որ բարձր գնաճը նշանակում է նաև բարձր տոկոսային եկամուտներ: Դա տարածվում է նաև Հայաստանի վրա (մասնավորապես՝ ոչ ռեզիդենտների ավանդների և երկրի արտարժութային պարտատոմսերի վրա)։