ԵՐԵՎԱՆ, 15 հոկտեմբերի – Sputnik. Երևանի Մարշալ Բաղրամյան պողոտան Կասյան փողոցին կապող էստակադան փլուզման վտանգի տակ էր։ Տեղեկությունը հայտնում է Երևանի քաղաքապետարանը։
Այս պահին էստակադան փակ է երթևեկության համար: Տարածքում հիմնանորոգման աշխատանքներ են ընթանում։
Կամուրջը կառուցվել է 2007 թվականին ու այս ընթացքում ընդամենը մեկ անգամ է վերանորոգվել։
«Էստակադայի երկու դեֆորմացիոն կարերն էլ վթարված են եղել, որի հետևանքով և՛ հեծանները, և՛ ամբողջ հարթակը վնասվել են։ Իրականացվել են ջրամեկուսացման, բետոնացման և ամրացման աշխատանքներ»,– նշում են քաղաքապետարանից։
Հիշեցնենք, որ հիմնանորոգման գործընթացը մեկնարկել է հոկտեմբերի 5–ին և նախատեսվում է ավարտել հոկտեմբերի 25–ին։ Սակայն նման տեմպերով, ըստ քաղաքապետարանի, հնարավոր է` նախատեսվածից էլ մեկ շաբաթ շուտ ավարտվի։