ԵՐԵՎԱՆ, 14 հոկտեմբերի – Sputnik. Ռուսաստանի ավիացիան Կիևի և Խարկովի մարզերում ռազմական կառավարման և էներգետիկայի օբյեկտներ է խոցել։ Այս մասին հայտնում է ՌԴ ՊՆ–ն։
Լվովի մարզի Բրոդի բնակավայրում ծովային տեղակայման մեծ հեռահարության բարձր ճշգրտության զենքով խոցվել է զինանոց, որտեղ պահվում էր արևմտյան երկրներից ստացած սպառազինության, ռազմական տեխնիկայի և զինամթերքի զգալի պաշար։
Նշվում է, որ անցած օրվա ընթացքում ռուսական ՀՕՊ համալիրները խոցել են HIMARS և «Օլխա» ՀԿՌՀ–ների 14 արկ, ինչպես նաև՝ 15 անօդաչու։
Բացի այդ, ՌԴ ավիացիան, հրթիռային զորքերն ու հրետանին մեկ օրում Խարկովի, Զապորոժիեի, Նիկոլաևի մարզերում և ԴԺՀ–ում ռազմամթերքի 6 պահեստ են ոչնչացրել։
Ռուսաստանի պաշտպանության նախարարությունը հայտնում է, որ ՌԴ ԶՈւ–ն Նիկոլաևի և Կրիվոյ Ռոգի ուղղությամբ հետ է մղել ուկրաինական գրոհները, ինչի հետևանքով ավելի քան 130 մարդ, 3 տանկ, 11 զրահամեքենա և 7 ավտոմեքենա է ոչնչացվել։
Հետ է մղվել նաև հերթական գրոհը Կրասնոլիմանսկի ուղղությամբ, ավելի քան 120 ուկրաինացի զինվորական է ոչնչացվել։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 232-րդ օրը։