ԵՐԵՎԱՆ, 13 հոկտեմբերի – Sputnik. Խարկովում պայթյուններից հետո քաղաքի որոշ շրջաններում էլեկտրամատակարարման հետ կապված խնդիրներ են առաջացել, հայտնում է ՌԻԱ Նովոստին։
Ավելի վաղ ուկրաինական ԶԼՄ–ները հաղորդել էին Խարկովում պայթյունների ձայների մասին։
«Էներգետիկները իրենց աշխատատեղերում են և անում են հնարավորը էլեկտրամատակարարման շուտափույթ վերականգնման համար», - ասված է հաղորդագրությունում:
Հրթիռային հարվածների հետևանքով էլեկտրական սարքավորումներ են վնասվել Ուկրաինայի Վինիցայի մարզի Լադիժինի ՋԷԿ-ում։
Դադարեցրել է նաև աշխատանքը Ուկրաինայի խոշորագույն հանքարդյունաբերական ընկերություններից մեկը՝ Ferrexpo-ն. պատճառն էլեկտրաէներգիայի մատակարարման խափանումներն են։
Հոկտեմբերի 10-ին ՌԴ նախագահ Վլադիմիր Պուտինը Անվտանգության խորհրդի անդամների հետ օպերատիվ խորհրդակցության ժամանակ հայտնել էր, որ բարձրճշգրտության զենքերով զանգվածային հարվածներ են հասցվել ուկրաինական ենթակառուցվածքների վրա։
Պուտինը Ղրիմի կամրջի վրա տեղի ունեցած միջադեպն անվանել էր ահաբեկչություն, որի նպատակն էր ոչնչացնել քաղաքացիական ենթակառուցվածքները։ Նրա խոսքով՝ Կիևն իրեն դրել է ահաբեկչական խմբավորումների հետ մի շարքում, և ռեժիմի հանցագործությունները անպատասխան թողնելն ուղղակի անհնար է։
Հիշեցնենք, որ Ուկրաինայի մի շարք քաղաքներ սկսել են հրթիռակոծվել հոկտեմբերի 10–ից։
Փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 231-րդ օրը։