Արկադի Թամազյանն ընտրվեց Ալավերդիի համայնքապետ

ԵՐԵՎԱՆ, 12 հոկտեմբերի – Sputnik. Լոռու մարզի Ալավերդի խոշորացված համայնքի նորընտիր ավագանու առաջին նիստում «Ապրելու երկիր» կուսակցության թեկնածու Արկադի Թամազյանն Ալավերդիի համայնքապետ ընտրվեց։

Սեպտեմբերի 25–ին Ալավերդիում անցկացված ՏԻՄ ընտրություններում «Ապրելու երկիր» և «Քաղաքացիական պայմանագիր» կուսակցությունները ստացել էին 13–ական մանդատ, իսկ «Հայ ազգային կոնգրեսը» չէր հաղթահարել անցողիկ շեմը։ Սակայն ՀԱԿ–ը 1 մանդատ ստացավ, որովհետև, օրենքի համաձայն, համայնքի կառավարումը պետք է կազմված լինի երեք ուժից։

Հոկտեմբերի 2-ին «Ապրելու երկիր» և «Հայ ազգային կոնգրես» կուսակցությունները հուշագիր էին ստորագրել, մեծամասնություն կազմել ու առաջադրել համայնքի միասնական թեկնածու Արկադի Թամազյանին։