ԵՐԵՎԱՆ, 11 հոկտեմբերի — Sputnik. Մոսկվան Վաշինգտոնին և արևմտյան մյուս մայրաքաղաքներին զգուշացնում է անվերահսկելի էսկալացիայի վտանգի մասին։ ՌԻԱ Նովոստիի հետ զրույցում տեղեկությունը հայտնել է ՌԴ արտգործփոխնախարար Սերգեյ Ռյաբկովը:
«Ակնհայտ է, որ ԱՄՆ-ի ու ՆԱՏՕ-ի հետ ուղղակի բախումը Ռուսաստանի շահերից չի բխում։ Նախազգուշացնում ենք և հույս ունենք, որ Վաշինգտոնում և արևմտյան մյուս մայրաքաղաքներում կգիտակցեն վտանգը»,- ասել է Ռյաբկովը։
Նա ավելացրել է, որ Մոսկվայում ափսոսանքով նշում են, որ «Կիևին չդադարող լայնածավալ օգնությունը, դաշինքի երկրների տարածքում Ուկրաինայի զինված կազմավորումների անձնակազմի ուսուցումը, իրական ժամանակում հետախուզական, արբանյակային լուսանկարների տրամադրումը, ընդհուպ մինչև հրետանային հարվածների թիրախների սահմանումը և Ուկրաինայի ԶՈւ-ի գործողությունների պլանավորումը արևմտյան երկրներին ավելի ու ավելի է ներքաշում Կիևի ռեժիմի կողմից հակամարտության մեջ», մինչդեռ ԱՄՆ-ում ու Եվրոպայում տարբեր մակարդակի ղեկավարներից կոչեր են հնչում Ռուսաստանին մարտի դաշտում հարված հասցնելու մասին։
Ռյաբկովը նշել է, որ Ռուսաստանը ստիպված կլինի համարժեք հակազդեցություն ձեռնարկել, այդ թվում՝ ասիմետրիկ բնույթի:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 229-րդ օրը։