ԵՐԵՎԱՆ, 10 հոկտեմբերի – Sputnik. 2022 թվականի առաջին 9 ամիսների ընթացքում Երևանի քաղաքապետարանի բյուջեն եկամտի հավաքման մասով համալրվել է 24 մլրդ դրամով (58 մլն դոլար)։ Այս մասին աշխատանքային հաղորդակցության ժամանակ հայտնեց քաղաքապետարանի աշխատակիցներից մեկը։
Սա գերազանցում է նախորդ տարվա ցուցանիշը 4,2 մլրդ դրամով կամ 10 մլն դոլարով (20,8%):
Հիշեցնենք, որ 2022 թվականի համար Երևանի քաղաքապետարանի հաստատված բյուջեի համաձայն` քաղաքի կարիքների համար հատկացվել է 94 մլրդ 560 մլն դրամ։ Ծախսային մասը կազմում է 98 մլրդ 821 մլն դրամ։ Նախատեսվող ծախսերը գերազացնում են 2021 թվականի ցուցանիշը մոտավորապես 2.2 մլրդ դրամով։
Այս միջոցները պետք է ծախսվեն կանաչապատման մոդելի ներդրման, հաշմանդամություն ունեցող մարդկանց կարիքների համար քաղաքի հարմարեցման, ինչպես նաև բակերի բարեկարգման նպատակով։