ԵՐԵՎԱՆ, 9 հոկտեմբերի – Sputnik. Ուկրաինայի շուրջ ստեղծված իրավիճակից ելքը պետք է փնտրել դիվանագիտական ճանապարհով, հայտարարել է ԱՄՆ Ազգային Անվտանգության խորհրդի ռազմավարական հաղորդակցությունների համակարգող Ջոն Քիրբին, տեղեկանում ենք ՌԻԱ Նովոստիից։
«Ահա, թե ինչ պետք է տեղի ունենա` երկու կողմերը պետք է իրավիճակից դուրս գալու հնարավորություն գտնեն բանակցային, խաղաղ և դիվանագիտական ճանապարհով»,-ասել Է Քիրբին ABC News-ին տված հարցազրույցում:
Նա հայտարարել է, որ Վաշինգտոնում Ռուսաստանի կողմից լուրջ մտադրություններ չեն տեսնում Կիևի հետ բանակցություններ վարելու հարցով։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 227-րդ օրը։