Անցնող շաբաթը լեցուն էր տարաբնույթ իրադարձություններով, որոնք չեն վրիպել Sputnik Արմենիայի թղթակիցների ֆոտոխցիկներից։
Շաբաթվա սկզբին Հայաստան այցելեց Ատոմային էներգետիկայի միջազգային գործակալության (ՄԱԳԱՏԷ) գլխավոր տնօրեն Ռաֆայել Մարիանո Գրոսին։
Իսկ Սանկտ Պետերբուրգի Բորիս Էյֆմանի անվան պետական ակադեմիական թատրոնը Սունդուկյանի անվան ազգային ակադեմիական թատրոնի բեմում հանդես եկավ «Ռոդեն՝ նրա հավերժական կուռքը» բալետով։
Հայաստանում Ռուսաստանի հոգևոր մշակույթի օրերի բացումը մեկնարկեց ռուսական թանգարանների շնորհանդեսով` Երևանի Ազգային պատկերասրահի որմնանկարների սրահում: Որմնանկարների սրահում բացվեց «Ռուսաստանը թանգարանային երկիր է» ցուցահանդեսը, որտեղ ներկայացված են Ռուսաստանի ազգագրական թանգարանի, Ռուսաստանի երաժշտության ազգային թանգարանի, Կինոյի պետական կենտրոնական թանգարանի, «Ֆանագորիա» պետական պատմահնագիտական արգելոց-թանգարանի և Դեկորատիվ-կիրառական և ժողովրդական արվեստի համառուսաստանյան թանգարանի եզակի հավաքածուները:
Իսկ ահա Հայաստանի չեմպիոն «Փյունիկը» 2։0 հաշվով հաղթանակի հասավ «Ժալգիրիսի» նկատմամբ։