ԵՐԵՎԱՆ, 8 հոկտեմբերի — Sputnik. Ֆրանսիայի նախագահ Էմանուել Մակրոնը, մեկնաբանելով ԱՄՆ նախագահ Ջո Բայդենի հայտարարությունները միջուկային պատերազմի սպառնալիքի մասին, նշել է, որ անհրաժեշտ է զգույշ լինել՝ խոսելով միջուկային զենքի մասին, գրում է Daily Mail-ը։
Մակրոնն ասել է, որ ինքը միշտ խուսափել է քաղաքական ենթադրություններից, հատկապես` միջուկային սպառնալիքի թեմայի հետ կապված:
«Այս հարցում մենք պետք է շատ զգույշ լինենք»,-նշել է Ֆրանսիայի նախագահը:
Ավելի վաղ ԱՄՆ նախագահ Ջո Բայդենը հայտարարել էր, որ սառը պատերազմից և Կարիբյան ճգնաժամից հետո առաջին անգամ աշխարհին միջուկային պատերազմ է սպառնում։