ԵՐԵՎԱՆ, 7 հոկտեմբերի – Sputnik. Ռուսաստանի Դաշնության նախագահ Վլադիմիր Պուտինը կարծում է, որ ԱՊՀ տարածքում պետությունների միջև առաջացած կոնֆլիկների լուծման համար պետք է միջոցներ մշակել։ Նա այս մասին ասաց` ելույթ ունենալով Սանկտ Պետերբուրգում անցկացվող ԱՊՀ երկրների ղեկավարների ոչ պաշտոնական հանդիպմանը։
«Բացի Ուկրաինայից, որտեղ իրականում ողբերգական դեպքեր են տեղի ունենում, ցավոք սրտի` կոնֆլիկտներ առաջանում են նաև հետխորհրդային տարածքի պետությունների միջև։ Դա, անշուշտ, պահանջում է դրանց լուծման միջոցների մշակում»,– ասաց Պուտինը։
ՌԴ նախագահն ԱՊՀ երկրների ղեկավարների ոչ պաշտոնական հանդիպումը լավ հնարավորություն համարեց հաջորդ շաբաթ Աստանայում անցկացվելիք ԱՊՀ պետությունների ղեկավարների խորհրդի ամենամյա լիագումար նիստից առաջ։
Նշենք, որ ԱՊՀ երկրների ղեկավարների ոչ պաշտոնական հանդիպմանը մասնակցելու նպատակով այսօր Սանկտ Պետերբուրգ է մեկնել նաև ՀՀ վարչապետ Նիկոլ Փաշինյանը։